ഇന്നു ഞാന് മുപ്പത്തിരണ്ട് പോസ്റ്റുകള് (കൂടെ കമന്റുകളും) വായിച്ചു.
ചിലര് ബൂലോകം വിട്ടുപോകുന്നു.
ചിലര് നയം വ്യക്തമാക്കുന്നു.
ചിലര് ചിലരെ ശത്രുവായി പ്രഖ്യാപിക്കുന്നു.
ചിലര്, ഇനി ഞാന് എഴുതില്ല എന്നു പ്രഖ്യാപിക്കുന്നു.
തന്റെ കമന്റ് ഓപ്ഷന് ഡിസേബിള് ചെയ്യാന് പോകുന്നു എന്നു ചിലര്.
ഒരു പ്രത്യേക ഭാഗത്തു വളരുന്ന ശ്മശ്രുവിനെ കുറിച്ച് ഒരാള്.
അതിന്, അതിനെക്കാള് വൃത്തികെട്ട വാക്കുകള് കൊണ്ട് മറുപടി പറയുന്ന മറ്റൊരാള്.
ഇതെല്ലാം കമന്റ് എഴുതി പ്രോത്സാഹിപ്പിക്കുവാന് മറ്റു ചിലര്.
എന്തിനാ കൂട്ടുകാരേ?
നമുക്കിവിടെയിങ്ങനെ, ചിരിച്ചും, കളിപറഞ്ഞും, ഇണങ്ങിയും, പിണങ്ങിയും അങ്ങു കഴിഞ്ഞാല് പോരെ ?
എന്തിനാ ഇങ്ങനെ തല്ലുകൂടുന്നത് ?