മണങ്ങളും, പാവ്ലോവിയന് തിയറിയും
ചില മണങ്ങള് സുഖകരമായ ഒരു ഭൂതകാലത്തിന്റെ ഓര്മ്മകള് ഉണര്ത്തുന്നു. മറ്റു ചില മണങ്ങള്
നമ്മെ അസ്വസ്ഥരാക്കുന്നു.
ഇതു എന്റെ അനുഭവം.
ആദ്യമായി ഒരു മരണ വീട്ടില് ചെന്നപ്പോള്, അവിടെ കൊളുത്തി വച്ചിരിക്കുന്ന ചന്ദനത്തിരി സൈക്കിള് 3 ഇന് 1 ആയിരുന്നു.
പിന്നീട് ഒരുപാട് മരണ വീടുകളില് ഇതേ മണം അനുഭവപ്പെട്ടു.
ഇപ്പൊ, ഒരു കല്യാണവീട്ടിലായാലും, ആ മണം എന്നില് മരണത്തിന്റെ ഓര്മ്മകള് ഉണര്ത്തുന്നു. മനസ്സ് അസ്വസ്ഥമാകുന്നു. സുഹൃത്തുക്കള് ഒരുപാടു പേര്ക്ക് ഇതേ അനുഭവമാണെന്നു അറിയാന് കഴിഞ്ഞു.
വായനക്കാരാ, താങ്കളുടെ അനുഭവം എന്താണ്? അറിയാന് ആഗ്രഹമുണ്ട്.
പാവ്ലോവിന്റെ ക്ലാസ്സിക്കല് കന്ഡീഷനിങ് തിയറി ഓര്ക്കുന്നില്ലേ? അത് തന്നെ ഇത്. കൂടുതലറിയാന് ഇവിടെ ഞെക്കുക (http://en.wikipedia.org/wiki/Classical_conditioning)
5 പേര് അഭിപ്രായങ്ങള് രേഖപ്പെടുത്തി.:
ചില മണങ്ങള് സുഖകരമായ ഒരു ഭൂതകാലത്തിന്റെ ഓര്മ്മകള് ഉണര്ത്തുന്നു.
മറ്റു ചില മണങ്ങള് നമ്മെ അസ്വസ്ഥരാക്കുന്നു.
ഇതു എന്റെ ഒരനുഭവം
ചാത്തനേറ്: ഇനിപ്പോ ഫലിക്കുവോന്നറീല. എന്നാലും
കുട്ടൂന്റെ വീട്ടിലു സന്ധ്യയ്ക്ക് വിളക്കു വയ്ക്കുന്ന പരിപാടീ ഇല്ലേ? അപ്പോള് 2 ചന്ദനത്തിരി പൂജാമുറീലു കത്തിച്ചു വച്ച് പ്രാര്ത്ഥിച്ചോണ്ട് മണം ആസ്വദിച്ച് നോക്ക്.
പിന്നെ ആ മണം അടിക്കുമ്പോള് ദൈവസാന്നിധ്യം ഫീല് ചെയ്തേക്കാം.. (മരണ മണം അഥവാ ഫീല് മാറിയേക്കും)
മണങ്ങള്
ഓര്മ്മകളാണ്
മനസ്സിന്റെ
ആരും കാണാത്ത ചുവരുകളില്
വരഞ്ഞിട്ട
ഭൂത കാലത്തിലേക്ക്
വെളിച്ചം വീഴ്തുന്ന ഓര്മ്മകള്.
ജനനവും, മരണവും
പ്രേമവും, വിവാഹവും
പ്രാര്ത്ഥനയും , വിരഹവും
ഒരു ചന്ദനത്തിരിയകലത്തില് :)
-സുല്
നടക്കില്ല ചാത്താ...
ഭാര്യക്കു ഈ മണം ഇഷ്ടമാണ്. ഒരു ദിവസം 2 എണ്ണം വാങ്ങിയാല് ഒന്നു ഫ്രീ സ്കീമില് 3 എണ്ണം വാങ്ങിവന്നു. വൈകിട്ടു വന്നപ്പോള് വീടു മുഴുവന് മണത്തില് കുളിച്ചു നില്ക്കുന്നു. പ്രാന്ത് പിടിക്കാന് വേറെ വല്ലതും വേണോ?
ഇതിനെ പറ്റിയുള്ള അനര്ഗ്ഗള നിര്ഗ്ഗളമായ എന്റെ വാഗ്ധോരണി സഹിക്കവയ്യാതെ [ അല്ലേലും ഈ വക കാര്യങ്ങളില് ഞാന് ഒരു എം.സി.പി ആണേ.. (Male Chauvinist Pig) ] അവള് അതേടുത്ത് ആര്ക്കോ ദാനം ചെയ്തു സംതൃപ്തിയടഞ്ഞു.
ഹാ...വൂ....
ശരിയാണ് സുല്, എനിക്കും അങ്ങിനെ തോന്നാറുണ്ട്.
Post a Comment